Endamê Meclîsê Dayîkanê Haşîtye yê ke bajarekê Tilqebînî yê qezaya Silopîya ya Şirnexî de perey bi şîarê ''Şerî rê nê haştîye cade nika'' ameyî têhet, verê banê DEM Partî yê Tilqebînî de nobete daye destpêkerdene.

Çalakîya ke  Amed, Wan, Êlîh, Mêrdîn, Colemêrg, Riha, Sêrt û Mersinî ra xeylêk Dayîkê Haştîye tewrê ci bîyî, hîrê rojî ameye domnayene. Dayîkanê Haştîye ewro bi eşkerayîyêke çalakîya xo qedînaye. Wekîlê DEM Partî û endamê MEBYA-DER û TUHAT-Fedî tewrê eşkerayîye bîyî.

Eşkerayîye hetê Wekîla DEM Partî ya Şirnexî Newroze Uysal Aslan ra ameye dayene. Uysale vat: ''Dayîkan seba ke şero ke Kurdîstan de yeno rayraberdene wa bêro vindarnayene û semedê haştîye gamî bêrê eştene nobete girewte. Dayîkî sey tim hîrê rojî yo semedê haştîye, vera şerî tewirê xo mojnenê ra. Dayîkanê Haştîye reyna rayîrê çareserîye mojna ra. Waştişê dayîkan waştişê heme şarê kurdî yo. Waştişê haştîye waştişê Abdullah Ocalanî yo ke Îmrali de xover dano. Dayîkan hîêr rojî  rixmê heme zordarîyan çalakîya xo rayra berde.''

Dayîka Haştîye Emine Eren zî bitaybetî veng da selahîyetdaranê PDKyî û vat: ''Ez bi nameyê heme  Dayîkanê Haştîye veng dana Barzanîyî; Ma semedê vindarnayîşê şerî tîya de yê. Destê xo gonîya kurdan biancê.  Ma do tim vera şerî sey mertalê ganî vinderê. Ma haştîye rê hazir ê, ma şer nêwezanê.''

Eşkerayîye bi slogana "Bijî berxwedana dayikan" û çapikan qedîyaye.