Fermandarîya Qerargehê Merkezî yê YJA-Starî di şehîdî yad kerdî û vat: ''Wird embazê ma bi fikirîyayîşê sey cinîyan, bi têkoşînê xo, bi serkêşîya xo yê cuye û afernayîşî seba ê cinîyanê ke xo ver danê bîyî çimeyê îlhamî.''
Fermandarîya Qerargehê Merkezî yê YJA-Starî nasnameyê di şehîdan eşkera kerdî. Eşkerayîye wina ya:
''Milîtanê çêrî û serkêşî yê partîya ma PKK û PAJKî embazê ma Berfîne Roj û Têkoşîne Dilgeş 30ê teşrîna peyêne ya 2023yî de Herêmanê Pawitişî yê Medya de netîceya hêrişaê dewleta tirke ya qirkere de şehîd bîyî. Ma kedkaranê têkoşînê azadîye yê Kurdîstanî û îdeolojîya azadîya cinîyan embazanê xo Bergîne û Têkoşîne bi rêz û minetî yad kenê. Ma soz danê ke têkoşînê nînan bi serkewtişî tacîdar bikerê.
Wird embazê ma bi fikirîyayîşê sey cinîyan, bi têkoşînê xo, bi serkêşîya xo yê cuye û afernayîşî seba ê cinîyanê ke xo ver danê bîyî çimeyê îlhamî. Ma sere de keyeyanê şehîdanê xo yê ercîyayeyan rê pêro cinîyanê azadîgîran û şarê Kurdîstanî yê welatperwerî rê serweşîye wazenê.
Nasnameyê embazanê ma yê şehîdan wina yê:
|
|
Nameyê Qodî: Berfîne Roj Name û Peyname: Caîze Selber Cayê Bîyayîşî: Sêrt Maye-Pî: Sakine – Mehmet Tarîx û Cayê Şehadetî: 30ê Teşrîna Peyêne ya 2023yî /Herêmê Pawitişî yê Medya |
|
|
Nameyê Qodî: Têkoşîne Dilgeş Name û Peyname: Şîrvane Ulaş Cayê Bîyayîşî: Amed Maye-Pî: Perîxane – Suleyman Tarîx û Cayê Şehadetî: 30ê Teşrîna Peyêne ya 2023yî /Herêmê Pawitişî yê Medya |
Embaza ma Berfîne qezaya Şêrwanî ya Sêrtî de dadîya xo ra bena la metropolan de bena pîl. Embaza ma Berfîne wexto ke 12 serrî bîye bi bahaneya cigêrayîşê xalê ci hetê polîsan ra yena remnayene û raştê îşkenceyan yena. Embaza ma Berfîne naye ser o gêrena qesasî. A Yewîya Ciwananê Kurdîstanî (YCK) de dest pê xebatan kena û 1999 de zî Dêrsimî ra tewra gerîlayan bena. A wextêk Erzirom de manena û tîya ra derbazê Xinêrê û Qendîlî bena. A bi xurtî tewra Hemleya 1ê Hezîrane bena û heta 2009î Zap û Zagrosan de têkoşîn kena. A Qendîl û Behdînan de fermandarîye kena û nasnameyê cinîya azade bi layîqî temsîl kena. Embaza ma Berfîne her tim bi ferasetî erk û mesuldarîyanê xo ana ca. A heqê pêro zehmetîyan ra yena û şehîd bena.
Embaza ma Têkoşîne keyeyêkê mêrdînijî de Amed de dadîya xo ra bena. Kekê ci Têkoşer-Abîdî Ulaş 1992 de tewrê gerîlayan beno û 1994 de Amed de şehîd beno. Naye ser o embaza ma Têkoşîne tewra xebatanê YCKyî bena. A wextê Komployê 9ê Teşrîna Verêne de, 1998 de verê xo dana koyan û bena gerîla. A Herêmanê Pawitişî yê Medya de perwerde vînena û dima waştişê xo ser o 2003 de derbazê Dêrsimî bena. A heta 2009î Dêrsim de têkoşîn kena û sey fermandarêka YJA-Starî erk û mesuldarîyanê xo bêkêmasî ana ca. Dima a xeylêk waranê Herêmanê Pawitişî yê Medya de têkoşîn kena. A 2011 de bi giranî birîndar bena la ancî agêrena têkoşînî. A vera DAÎŞî şer kena. A mîyanê YJA-Starî de waranê weşîye, perwerde, fermandarî û xebatanê komelkîyan de cagêna. Embaza ma Têkoşîne heta şehadetê xo zî perwerîya bi Rayber Apoyî û şehîdan ra fek vera nêdana.''
