Hemserekê Şubeyê Îzmîrî yê Komeleya Huqûqnasan a Seba Azadîye (OHD) Ozcan Sariogluyî û avûkat Mehmet Selahattîn Tîmurî Zîndananê Kepsut û Burhanîye yê Balikesîrî û Zîndananê Kiriklar û Şakranî yê Îzmîrî de tepişteyan reyde pêvînayîşî kerdî. 

Pêvînayîşî ra dima meseleyê ke zîndanan de qewimîyenê wina ameyî rêzkerdene:

''Zîndanê Burhanîye de wextê cigêrayîşî de tepişteyî raştê tacîzî yenê, nêweşê KOAHî Ubeydullah Yilmazî rê hacetê oksîjenî nêno peydakerdene, tedawîya fîzîkî nêna dayene tepişte Mahsumî, tepişteyî bi kelemçeyan nêweşxane de tedawî vînenê û deste nîyeno hacetanê tepişteyan ser.

Zîndanê Kepsûtî de Komîsyonê Heqanê Merdiman ê Meclîsî cewab nêdano waştişnameyan, dest nîyeno kitaban ser, masayî yenê wedaritene, fîyatê kantînan vay ê, tepişteyî sewqê nêweşxaneyî nêbenê.

Zîndananê Îzmîrî de gardîyanî tim erzenê koxûşan ser û koxûşan serûbin kenê, tepişteyî bi kelemçeyan yenê muayenekerdene, pêvînayîşî yenê sînorkerdene.''