Serkêşîya Komeleya Paştdayîşê Bi Keyeyanê Tepişteyan (TUAY-DER) a Amedî de bi şîarê 'Tepişteyan rê pere erşawitiş sûc nîyo' kampanyayêke dîyaye destpêkerdene.

Derheqê kampanya de verê PTTyî de, semtê Ofîsî yê qezaya Bajara Nû de eşkerayîyêke dîyaye. Temsîlkarê DEM Partî û DBPyî û xeylê rêxistinan zî tewrê eşkerayîye bîyî.

Hemsereka TUAY-DERî ya Amedî Yetere Erel Tuma eşkerayîye de vat ke binpaykerdişê heqanê tepişteyan dewam kenê û da zanayene ke tecrîdê vera Rayber Apoyî pêro zîndanan rê vila bîyo.

Yetere ard ziwan ke bi bahaneya erşawitişê pereyan derheqê merdimanê tepişteyan de tehqîqat yeno akerdene û vat: ''No nêno qebulkerdene. Seba ke verê paştdayîşî bêro girewtene no kerdiş yeno caardene. Ma nê kerdişê keyfîyî qebul nêkenê.''

Eşkerayîye ra dima PTTyî rê pere erşawîya tepişteyan.

Çarçewa kampanya de her hewte do şaristananê cîyayan de pere bierşawîyo tepişteyan.