Cigêrayox û dîrektorê huquqê mîyanneteweyîyî Fabio Marcelli derheqê rewşa Rayberê Şarê Kurdî Abdullah Ocalanî de qisey kerd ke qerarê Mehkemeya Heqanê Merdiman A Ewropa yo ke derheqê ci de ameyo dayene nîno caardene.

Avûkat Fabio Marcelliyî ke verî Tirkîya zîyaret kerdbî, derheqê tecrîdê serê Rayberê Şarê Kurdî Abdullah Ocalanî de  wina vat: ''Seba ke heqê merdiman ê Birêz Ocalanî nêrê binpaykerdene ganî hukmat, rêxistinê mîyanneteweyîyî, akedemî û entelktuelî, têgêrayîşê komelî şirê Tirkîya ser.''

Fabio Marcelliyî qerarê Mehkemeya Heqanê Merdiman a Ewropa (MHME) yê 2014î yê derheqê Rayberê Şarê Kurdî Abdullah Ocalanî erjna û nê vatî: ''Mehkeme şertê Birêz Ocalanî yê verê 2009î sey 'muameleyê teberê merdimîye' name kerdî. Ganî rewşa ewroyîne reyna bikirişîyo mehkeme. Ganî newera MHME rê muracat bêro kerdene. Xora seke yeno zanayene bado ke tewpişteyê bînî ameyî Îmraliyî zextê Îmraliyî zêdîyayî la aceb o ke mehkeme qerarê xo yê badê  2009î de vat rewşe hende xirab nîya. Eşkera yo ke des serranê peyênan de rewşe xirabere bîya ke îmaknê zîyaretî çîn o. Ganî ma na babete ser o bixebite. Seba ke pêvînayîşê keye û avûkatan bêrê kerdene ganî vera hukmatê Tirkîya zexto mîyanneteweyî bêro kerdene.ganî hêzê mîyanneteweyîyî şirê hukmatê Tirkîya ser ke derheqê rewşa  Birêz Ocalanî de goreyê Pêkerdişê Heqanê Merdimanê ê Ewropa têbigêra.''