Dîwanê Hemserekîye yê KCDK-E eşkerayîyêka nuştekîye weşanaye û seba boykotkerdişê turîzmê Tirkî veng da.

Eşkerayîye de ame vatene, “Tatîl de meşorê Tirkîya, mebê hemparê şerî.” Da zanayene, “Dewleta Tirkî nêzdîyê 40 serrî yo heme çimeyanê ekonomî û sîyasîyan bikar ana û vera Kurdan şerêko giran rayra bena.”

KCDK-E da zanayene, beşêkê girdî yê çimeyanê ekonomîya dewleta Tirkî seba şerî yenê bikarardene û turîzm ameyeyo sereke yo ke seba şerî yeno bikarardene.

Eşkerayîye de hetê bînî ra hîşyarîya tayê welatanê Ewropa zî ameye vîrardene û ame vatene, “Xeylî welatanê Ewropa û hêzanê mîyanneteweyîyan bi hawayêkê fermîyî hîşyarîye daye hemwelatijanê xo ke seba turîzm û tatîlî meşorê Tirkîya. Da zanayene ke Tirkîya seba turîzmî welatêko biasayîş nîyo.”

Eşkerayîye de vengdayîş ame kerdene, seba ke amancê şer ê serdestdarîya AKP-MHP’yî ya faşîste destê înan de bimanê, kesê ke plan kenê Tirkîya de tatîl bikerê, tatîlanê xo betal bikerê û mebê hemparê şerî.”