Konseya Asayîşî ya NY’yî: Wa Lîbya ser o ambargoyê çekan bêro bicaardene
Konseya Asayîşî ya Neteweyê Yewbîyayeyî hêrişê hewayî yê hemverê kampêka koçberan şermezar kerd, seba adirbestî veng da û welatan ra waşt ke çekan nêşirawê Lîbya.
Roja Sêşemeyî çarçewaya operasyonanê serê Trablûsî de teyareyanê şerî yê Mareşal Halîfe Haftarî dabi kampa koçberan ro û tewr tay 53 koçberî merdîbî. Cimatê mîyanneteweyîyî hemverê hêrişê sere Tajoûrayî de razînêbîyayîşêko çetin ramotibi.
Konseya Asayîşî ya Neteweyê Yewbîyayeyî reya dîyine kombîyayîş viraşt û no hêriş şermezar kerd. NY’yî seba adirbestî veng da her di hetan.
Deklarasyonê NY’yî de ame vatene ke aşitî û îstîqrar bi çareserîyêka sîyasîye eşkenê bêrê ardene û veng da dewletan ke hemverê Lîbya de ambargoyê çekan bica bîyarê.
Vejîyabi werte ke Misir û Emîrîya Ereban a Yewbîyayîye çekan dana hêzanê Haftarî û Tirkîya zî çekan dana çeteyanê ke paştî danê hukmatî.
