Rojnameyê Le Monde xebera Benjamin Barthe û Allan Kavalî de ca daye sîyasetmedara cinîye ya kurd a ke 13ê teşrîna verêne de hetê komanê cerganê rejîmê Tirke ra ameyebî kiştene.

Xebere de dîmenê merasîmê cenaze ya Xelefe ameyî parekerdene. Xebere bi sernameyê ''Şehîde Hevrîne bîye qurbanê kutikanê şerî yê Anqara'' ameye weşanene. Vatişê ''kutikê şerî'' Dewrê Mîyanênî de seba şovalyeyanê bipereyan ameyêne vatene nika zî seba leşkeranê bipereyan yeno vatene.

Xebere de ame vatene Xelefe Dêrikî de ''şehîdgehî'' de ameye defnkerdene û merasîmê cenaza aye ser o wina ame vatene: "Zerrîya Kurdîstanê xeyalî de ke bi desan cinîyî û camêrdî seba ci canê xo feda kenê ma mîyanê dîmenêkî de yê ke dormeyê ci bi gelîyanê rengê toz û hingimênî yenê girewtene. Vakurî de aso tirkan o. Rojhelatî de koyî ê Iraqî yê. Yewşeme merasîmê cenaze bi temamî ame caardene; marşê neteweyê kurdan, deyîrê şorişgêrî, selamo bi çekî, hêsirê çimeyan ê dayîkanê kalan ê laçikênan, nîşanê serkewtişî yo ke seba vîrameyîşê şerwananê şehîdan yeno rakerdene... Şerêkê bêpeynî û kahanî de no merasîm mora gemarinîye ser o esta."

Rojnameyî wina dewam kerd vat: "Camêrdanê biçekan dormeyê Xelefe girewtibi û bi desan guleyî nayî pa. Ê pêro komê terefgîrê Anqara yê."