Hêriş hemverê konvoyê wezîrê Durzîyî Salih el Garîbî ke karanê koçberan ra mesuldar o ame kerdene. Garîb sey keso ke nizdê îdarekarê Durzî Talal Arslanî yeno naskerdene ke Arslan hetgêrê Sûrîye yo.

 Hêriş cayêkê nizdê bajarekê Ale yê wîlayetê Koyê Lubnanî virazîya û di şêwirmendê wezîrî merdî. Herême sey dêzê rayberê Durzîyî Velîd Cumbolatî yena naskerdene ke hemverê hukmatê Sûrîye de muxalefet keno.

 Garîb kanalê televîzyonî yê el Cedîdî rê qisey kerd û derheqê hêrişî de vat, “Dama bi çekdarî û teşebusê seba kiştişî yo.”