Goreyê eşkerayîya artêşa Malî, dewanê Gangafanî û Yoro yê herêmanê mîyanênan ê Malî de hêrişê bi sîlehî ameyî kerdene. Ame pêhesîyayene, rîyê hêrişanê ke roja Dişemeyî ameyî kerdene ra tewr tay 38 kesan cuya xo vînî kerde, xeylî kesî zî birîndar bîyî.

Ame îdîakerdene ke hêriş hetê ‘terorîstan’ ra ameyo kerdene û yewîyê artêşe yê herême zî bîyê hedefê hêrişî. Ame pêhesîyayene ke hêrişê vizêrênî de tayê endamê artêşe zî ameyê kiştene.