Dimayê kombîyayîşê Konseya Asayîşî ya Neteweyê Yewbîyayeyî (KANY) yo ke bi vengdayîşê DYA ame viraştene, eşkerayîye ameye dayene û eşkerayîye de hêrişê vera di tankeranê petrolî yê 13'ê Hezîrane yê Kendawa Hurmizî, ame şermezarkerdene.

Eşkerayîye de ca nêame dayene ke kam hêrişî ra berpirsîyar o, ame zanayene ke îfadeyo ke DYA pê Îran kerdibi hedef hetê Rûsya ra ame astengkerdene. Ame zanayene ke DYA deklarasyon de derheqê hêrişî de waşt ke îfadeyê ‘berpirsîyarîya aktorêkê dewletkîyî’ zêde bikero.

Deklarasyono ke KANY’î de ameyo qebûlkerdene de ame vatene, tengijîyayîşo ke dimayê hêrişê vera tankeranê petrolî zêde bîyo, bi dîyalog bêro çareserkerdene. Ame vatene ke deklarasyon, DYA zî mîyan de hetê endamanê timîyan ê bînî Çîn, Rûsya, Fransa û Brîtanyaya Girde û hetê 10 endamanê dembidemî ra zî bi yew vengî ame qebûlkerdene.