Vervatoxanê Wezîrîya Pawitişî ra Sean Robertsono ke AFP’yî rê qisey kerd vat ma bi Tirkîya semedê ronayîşê merkezê operasyonî yê şirîkî qisey kenê.

Robertsonî vat: ‘’ Pêkerdişê hêrama biasayîşe yo ke bi Tirkîya amo kerdene do ‘bimerhele’ bero bicaardene. Munaqaşayê Amerîka bi Tirkîya dewam kenê. La ma semedê bi hawayêkê lezgînî destpêkerdişê tayî faalîyetan amade yê.

Pêkerdiş hewteyo ravêrte mabênê Enqere û Washîngtonî de ame viraştene.  Dimayê pêvînayişanê eskeranê berpirsîyaran ê her di dewletan çarçeweya herêma biasayîşe de qerarê ronayîşê merkezê operasyonî yê şirîkî amebi girewtene. Fermandaro verên ê Amerîka yê Sûrîye Joseph Votel vera naye reaksîyon da û vat ganî kontrolê herême medîyo Enqere no semedê heme hetan do problem bo.