Goreyê kanalê televîzyonî yê IRIB’î serekkomarê Îranî vato heta 7’ê Temmuze sozê ke ameyê dayene, nêrê bicaardene do xebatê reaktorê Arakî ancî bêrê destpêkerdene û ûranyûm do se ra 3,67 bêro zengînkerdene.

Rûhanîyî vat eke welatê bînî goreyê peymana serra 2015’î tê bigêrê do Îran zî sozê xo bica bîyaro.

Tehranî no hewte da zanayene ke înan stokê ûranyûmî veto serê sînorî yo ke peymane de ameyo bewlîkerdene.

Almanya, Fransa û Keyatîya Yewbîyayî ard ziwan ke ê xeylî biqesawet ê û veng da Îranî ke goreyê peymane tê bigêro.

 Rûhanîyî vat Îran eşkeno mîyanê saetêk de agêro sînorê goreyê peymana serra 2015’î.

 Peymana nukleerî serra 2015 de Vîyana de mabênê DYA, Rûsya, Çîn, Fransa, Almanya û Keyatîya Yewbîyayî de amîbî îmzakerdene.

 Îdareyê Tehranî wazeno ke hêzê ke peymane de îmzayê înan estê, hemverê zextanê DYA de gamanê konkretan ê pawitişê Îranî bierzê.