Gerîlayê HPGyî yê erebî Şervan Agir û Yakûp Filistin Ê ke koyanê Kurdîstanî de bi îdeolojîya Rayber Apoyî vera îşxalkeran şer kenê bi wesîleya 27ê Teşrîna Peyêne ANFyî rê qisey kerd.

Yakûb Filistinî ard ziwan ke fîkrê Rayber Apoyî ewro resayî şarê erebî û nê vatî: ''Semedê ereban vanê bêrayber ê la rayberê ma est o, rayberê ma Rayber Apo yo. Sey kurdan ma erebî zî esîr ê. Ma sey gerîlayanê ereban zaf binê tesîrê îdeolojîya Rayber Apoyî de mendî. Reyna ma serkêşîya şehîd Ezîz Erebî ra zî hêz genê. Partîya ma kurdan û ereban cîya nêkena. Kurd, ereb, cinî û ciwanî semedê eynî hedefî şer kenê. Ma têna vera dewleta tirke nê vera NATOyî zî şer kenê. Teberê PKKyî de yewna partî nêeşkeyêne vera nê hêrişan vejîyo. Polîtîkayê dewleta tirke û Îsraîlî yê vera şarî sey yewbînan ê. Dewleta tirke yewbîyayîşê kurd-erebî ra tersena coka vera nê kayan kay kena. Ez veng dana ciwananê ereban; Rayber Apoyî biwanê û bişinasnê. Xo kayanê dewlete ta bipawê, bêrê koyanê Kurdîstanî û azadîye rê bibê nizdî.''

Şervan Agirî zî nê vatî: ''Gama ke ma raştê hêrişê DAÎŞî ameyî, koyan ra bi seyan embazî vazdayî gazîya ma. Semedê ma şer kerd û şehîd bîyî. Şehdatê nê embazan û fîkranê Rayber Apoyî mi ser zaf tesîr kerd. Gama ke ez tewrê têgêrayîşî bîya, mi raştîya Rayberîye dahîna hole fam kerd. Ez gerîlayan sey keyeyê xo vînena. Rayber Apo binê tecrîdî de zî semedê azadîya şarî têkoşîn keno. Ewro PKK bi projeyê netewa demokratîke biyo hêvîya şarê Rojhelatê Mîyanênî.Têkoşînê PKKyî yê 46 serran hêrişê dişmenî betal kerdî.  Ma rixmê îmkananê xo yê kêman teknolîjîya dewleta tirke ya averberdîye betal kenê. Heta ke PKK bibo dewleta tirke do çirey mereso waştişê xo. Ganî ciwanê ereban Rayber Apo bişinasnê û felsefeya ci biwanê.''