Bi wesîleya 25ê Teşrîna Peyêne Roja Têkoşînê Vera Şîdetê Serê Cinîyan  Amed de camêrdan eşkerayîye daye çapemenîye û vera şîdetê serê cinîyan nêrazîbîyayîşê xo mojna.

Camêrdan verê AZC Plaza de eşkerayîye daye û pankarta sey “Jin jiyan e, zihniyeta zilam xiyaneta li jiyanê ye” akerde. Polîsan dowîzê ke serê înan de fotografê Nagîhane Akarsel est bîyê dest na nînan ser.

Hemserekê DEM Partî yê Amedî Abbas Şahînî eşkerayîye de qisey kerd û dîyar kerd ke şîdetê vera cinîyan zêdîyayo. Şahînî vat: ''Feraseto ke şerê taybetî aver beno, sey qurbanê destpêkî yê nê şerî Gulistan Doku, Îpek Er û bi desan cinîyî qetil kerdî, faîlî vera dayî.''

Wexto ke camêrdan sloganê “Jin, Jiyan, Azadî” berz kerdî, polîsan xîret kerd ke bi anonsî çalakîkeran asteng bikerê.