Merkezê Îrtîbatî û Çapemenîye yê QSDyî bîlançoya pêkewtiş û hêrişanê 24 saetanê peyênan eşkera kerde.

QSDyî vat: ''Roja dişemeyî dewleta tirke ya îşxalkere dormeyê Awbendê Tişrînî û dewê ci dayî bombayan ver la nê hêrişan de zerar nêresa hêzanê ma ser.

Hêzanê ma cewab da hêrişan. Yewinanê Şehîd Harunî herêma Kampa Leşkerî ya Sosine û Sryatelî de hîrê reyî da çeteyan ro. Tîya de xeylê çeteyî kişîyayî û birîndar bîyî.

Girê Syratelî de şerwananê ma da noqtaya çeteyan ro. Tîya de zî 2 çeteyî kişîyayî û 3 çeteyî birîndar bîyî.

Dewa Dêr Hafirî de Yewinanê Şehîd Harûnî di çalakîyî kerdî. Tîya de wesayîtêkê çeteyan û 1 noqta ameyî îmhakerdene.

Çeteyan hêrişê Dêr Hafirî kerd. Hêzanê ma cewab da hêrişan. Çeteyêk kişîya, 1 otomobîl û tayê çekî ameyî destvistene.

Pirdê Qereqozaxî de vera çeteyan çalakîyî ameyî kerdene. Netîceya çalakîyan de xeylê çeteyî kişîyayî û birîndar bîyî.

Leşkeranê ma Qebir Imo û Girê Erşî de çalakîyî kerdî. Yewinanê Şehîd Harûnî Girê Xwedê û Girê Newroze de da baregehanê îşxalkeran ro û tîya de tankêk û noqtayêke ameyî îmhakerdene.

Teyarayanê şerî dewê Xeseq, Tina, Bir Hiso, Girik û Melha, Meydanê Teyarayan ê Sirînî, Girê Sêvê, û Sirînî û topan zî dewê Xeseq, Tina, Cada, Bir Hiso, Dikan û Qereqozaxî dayî bombayan ver.''