Merkezê Îrtîbatî û Çapemenîye yê QSDyî bi eşkerayîyêke bîlançoya 24 saetanê peyênan eşkera kerde. Eşkerayîye wina ya:

''Vizêr Cepheyê Pirdê Qereqozaxî de bi çekanê giranan çeteyyan da noqtayanê ma ro. Hêzanê ma dewanê Tiş Ereş, Girê Xwedê û dewa Um Rûsî de da çeteyan ro. Goreyê tesbîtanê ma tîya de fermandarêkê çeteyan zî tede 8 çeteyî kişîyayî û 13 çeteyî birîndar bîyî.

Yewinanê Şehîd Harunî Girê Xwedê û dewa Newroze de di çalakîyî kerdî. Tîya de wesayîtêk ame derbkerdene.

Dewleta tirke dewê Xeseq, Melha, Ebû Qelqel û Şebaniye dayî bombayan ver. Dewa Bîr Hisoyî de zî 2 hêrişî qewimîyayî. Nê hêrişan de zerar nêresa hêzanê ma ser. Artêşa îşxalkere bi giranî Pirdê Qereqozaxî da bombayan ver. Nê hêrişan de dewê Tîna, Cade, Bîr Hiso, Qereqozaq û Mehleyî ameyî hedefkerdene.

Teyarayanê dewleta tirke serê sibayî, vizêr dewê Awbendê Tişrînî, dewê Minbicî dayî bombayan ver. Saetanê şanî de zî Tişrîn dîya bombayan ver û tîya de 10 sivîlî bi giranî birîndar bîyî.

Dewleta îşxalkere Cepheyê Dêr Hafirî da bombayan ver. Tîya de wesayîtêk ame derbkerdene. Yewina Şehîd Harunî cewab da hêrişî.''