Samos de keştîya koçberan cûmê awe bîye
Qeraxê Girawa Samosî ya Dengizê Ege de keştîya koçberan cûmê awe bîye. Netîceya serebûtî de di kesan dinyaya xo bedilnaye û 22 kesî ameyî xelisnayene.
TRADEJÎYA KOÇBERAN
Goreyê asayîşê qeraxî şewa yewşemeyî qeraxê Girawa Samosî ya Dengizê Ege de keştîya koçberan cûmê awe bîya.
Asayîşî da zanayene ke cesedê yew cinî û camêrdî dengizî ra ameyê vetene û 22 koçberî zî ameyê xelisnayene.
Girawa Samosî seba koçberanê ke wazenê derbazê Ewropa bibê seke guzergeh a.
Çarşemeyê verênî de zî Girawa Kosî de keştîya koçberan cûmê awe bibî û di cinîyî merdbî.
