Serekkomarê Iraqî Salîhî îstîfayê xo pêşkêş kerd

Serekkomarê Iraqî  Berhem Salîhî îstîfayê xo pêşkêşê parlamentoyî kerd.

Iraq de krîza tewr gird ê demê nêzdîye yena ciwîyayene. Dima ke Serekwezîr Adil Adulmehdî rîyê zextê kuçeyan ra îstîfa kerd nika ka zî Serekkomarê Iraqî Berhem Salîhî îstîfayê xo pêşkêşê parlamentoyî kerd.

Salîhî verê îstîfayê xo  vatbi ‘‘herinda tesdîqkerdişê yew namzedî yo ke protestokarî nêwazenê, ez îstîfayê xo tercîh kena.‘‘ Raameyîşê paştgerê Îranî vanê herinda caardişê waştişê çalakwanan de wa bi hawayêkê lazabezî serekwezîr bêro bewlîkerdene.

Çalakîyê şarî yê ke wazenê ke wa rejîm bêro bedilnayene hema dewam kenê.  Aşma teşrîna verêne ra  nata 500 kesan cuwa xo vînî kerd û tewr tay 25 hezar kesî birîndar bîyî. Heta nika têna yew waştişê çalakwanan hetê hukmatî ra ame caardene. Roja seşeme parlamento de qanûno newe yê vîjnayîşî ame qebulkerdene.