Strasbourg de çarçewaya aktîvîteyanê seba azadîya Rayberê Şarê Kurdî Abdullah Ocalanî de dokumenterê ‚Ocalan û Dewaya Kurdan‘ yê dîrektorê Amerîkaya Başûrijî Lûîs Mîrandayî ame ramotene.
Bajarê Fransa yê Strasbourgî de aktîvîteyê seba serrgêra 7’ine ya Nobeda Azadîya Ocalanî vernîya Konseya Ewropa (KE) ke hetê Însîyatîfê Azadîya Ocalanî ra yena viraştene, dewam kenê. Çarçewaya çalakîyan de vizêr dokumenterê bi sernameyê ‚Ocalan û Dewaya Kurdan‘ yê dîrektor Lûîs Mîrandayî ame ramotene.
Dokumenter salona sînema ya Cinéma Star a Strasbourgî de ame ramotene. Kurdistan, Fransa û Tirkîya ra 100 ra zêdeyêrî kesî tewrê ci bîyî. Documenter bi paştdayîşê Komeleya Cinîyan a Zîne ya Strasbourgî û Merkezê Cimatê Demokratîkî yê Kurdan ame ramotene û director Lûîs Mîranda zî tewrê ci bi.
Çarçewaya aktîvîteyanê ke hetê Însîyatîfê Azadîya Ocalanî ra yenê viraştene de no hewte pêramotişî ameybî kerdene û panelî ameybî viraştene. Ewro do merkezê bajarê Strasbourgî de çalakîyêka kîtlekîye bêro viraştene.
