YE wextê hêzanê caardişî yê ekomî yê vera Rûsya kerd derg

Yewîya Ewropa (YE), ke şerê vera rojakewtena Ûkrayna ra Rûsya berpirsîyar vînena, wextê hêzanê caardişî yê ekomî yê vera Rûsya kerd derg.

Bi nameyê Serekê Konseya Yewîya Ewropa Donald Tuskî eşkerayîye ameye dayene û ame vatene, seba ke paştdayîş dana hetkaranê xoserîyan ê rojakewtena Ûkrayna, wextê hêzanê caardişî yê ekomî yê vera Rûsya ame dergkerdene.

Qeraro hempar hetê 28 welatanê endaman ra ame girewtene û ame vatene, Rûsyaya ke paştdayîş danê Rûsanê hetkaranê xoserîyan ê herêmanê Donetsk û Luganskî yê Ûkrayna, seba çareserkerdişî tewirê ci de bedilîyayîş çin o.

Eşkerayîye de ame vatene, seba ke peymana ke paytextê Belarus Mînskî de mabênê welatanê Ewropa de ameya amadekerdene nêameya bicaardene, qerar ame dayene ke wextê hêzanê caardişî yê ekomî yê vera Rûsya bêrê dergkerdene. Wextê hêzanê caardişî seba şeş mengan ame dergkerdene.