Çewlîg: Cinîyêke keye de sey birîndare dîyaye
Dewa Toxlanî ya qezaya Kanîreşî ya Çewlîgî de cinîya bi nameyê Esma Nur Kişlakçi keyeyê xo de sey birîndare ameye dîyene. Rewşa weşîye ya Esma giran a.
Dewa Toxlanî ya qezaya Kanîreşî ya Çewlîgî de cinîya bi nameyê Esma Nur Kişlakçi (20) keyeyê xo de sey birîndarêka girane ameye dîyene. Ame îdîakerdene ke Esma pê çekêke xîret kerd ke xo bikişa û netîce de bi giranî birîndar bîya. Ame zanayene ke Esmaya 20 serre 3 serran ra nata zewijnaye ya.
Esma hêverî wedarîyaye Nêweşxaneyê Dewlete yê Kanîreşî û uca ra zî sewqê Nêweşxaneyê Dewlete yê Çewlîgî bîye.
Esma servîsê ciewnîyayîşê giranî de tedawî bena.
