Dewa Gameşanî ya qezaya Kanîreşî ya Çewlîgî de 2ê tebaxe de S.E. hetê camêrd Hasan E. ra ke tede zewijnaye bîye rastê hêrişî ameye. Dîmenê şîdetî hetê kênaya S.E. ra ameyî qeydkerdene. Kêna medyaya komelkîye de dîmenî vila kerdî. 

Dîya zanayene ke S.E. û domanê ci bi serran o ke bi hawayêkê sîstematîkî maruzê şîdetî benê.  Dîmenan de rixmo ke S.E. şîdetî ra xo ra şina  Hasan E.yî hema zî ci rê şîdet keno. Dîmenan de yeno dîyeno ke Hasan E. hîrê kênayanê xo rê zî şîdet keno ke kênayî wazenê mudaeleyê Hasan E.yî bikerê.

Dima ke dîmenî medyaya komelkîye de vila bîyî Hasan E. vizêr şan ame destbendkerdene.