Êlih de 6 cinîyê HDPyîjî ameyî destbendkerdene

Polîsan Êlih de hêrişê cinîyanê ke çarçewa Kampanyaya ''Ma Xo Pawenê'' ya TJA de ameyî têhet, kerd û 6 cinîyê HDPyîjî destbend kerdî.

Êlih de cinîyî çarçewa kampanyaya TJA de ameyî têhet û seba ke hukmat wazeno Pêkerdişê Îstanbulî  ra pêser biancîyo vera naye çalakî kerde.

Endamanê Meclîsê Cinîyan ê HDPyî Meclîsê Cinîyan ê Ciwanan çalakî de Parka Şerzanê Kurdî de kurdele yo mor o ke ser o nuşteyê 'Pêkerdişê Îstanbulî dano ciwîyayene' nuştebi daliqna. Polîsan hêrişê cinîyan kerd û endamê Meclîsê Şaredarîya Êlihî Şehrîbane Aydin û Seher Aksoy, Gulîstane Sonuk, Kezban Kuday, Zîlane Kaya û Bermal Can destbend kerdî.