Gerîlaya YJA Starî Rûken Welate ya ke vera zulmê dewleta Tirkî yê serê şarê Kurdî serra 2015’î de tewrê refê PKK’yî bîya, verê tewrbîyayîşî Konya de unîversîte de wanena. Rûken Welate ard ziwan ke, a Wan ra ya û yew birayê aye verê aye tewrê refê gerîlayan bîyo. Û tim birayê ci seba ke a zî tewrê gerîla biba venga ci dayo. Rûken Welate ard ziman, “O dem mi fam nêkerdibi, seba ke mi têgêrayîş nas nêkerdêne. Rasta zî ez heşarê ci nêbîya ke ma senî amebî asîmîlekerdene. Dima serrewedaritişê Kobanê ez gêraya Wan.”

Dima wexto ke şar o taw weriş payan ser, wicdanî mi qebul nêkerd ke ez agêra Konyaye. Nêzdîyê hîrê mengan ez fikirîyaya û mi bire daye ke ez tewrê refê PKK’yî biba. Wexto ke tewrê refê gerîlayan bîya, derheqê têgêrayîşî de zanayîşê mi zaf çin bi. Dima tewrêbîyayîşî mi xo nas kerd, îradeyê xo yê cinîye nas kerd. Mi Rayberîye nas kerde. Verê mi nêzanayêne Rayberîye çira seba gerîlayan hêca ya. Her ke mi Rayberîye nas kerde, hetê wicdanî ra zaf kewta tenge, seba ke mi xo ra vat, “Çira mi bi serran Rayberîye nas nêkerda.” Coka rexnedayîşê xo kena.

Rûken Welate ard ziwan ke, mîyanê sîstemî de merdim beno robot, la mîyanê PKK’yî de merdim xo nas keno, tekoşînê seba şarî û Rayberî esas gênê û wina dewam kerd: “Verê her çîyî ganî merdim tarîxê xo baş nas bikero. Çunke zereyê sîstemî de sîstem cuya şexsî keno ra verê merdimî. Merdim çiqas Kurdistanî de bimano zî,  sîstem reyna zî cuyêka winasîye keno ra merdimî ver û bêçare manena ke goreyê dagirkeran têgêrayîş bikero. Ganî her kes hayrê naye bo.

Herinda wendegehanê dişmenan de do asîmîle bîyayîşî û tarîxê binpankerdişî yê înan musnayîşî de ganî Kurdî bala xo biverdê tarîxê xo. Xora dima ke hişê welatperwerîye merdimî de peyda bîye,  merdim seba xo tewrê beno. Nê bingeyî ser o, êyê ke wazenê seba şarî çîyêk bikerê ganî verê xo bidê koyan.

Demê peyênan de bi taybetî hêrîşê serê şarê Vakurî vêşîdêr bîyî. Dayîkan ra heta domananê 7 serrîyan her kes beno hedefê hêrşî. Ê yê ke wazenê serewebidarê yenê girewtene. Hêrîşê fîzîkî ra heta hêrîşê kulturî bi Kurdan yeno kerdene. Ciwanê Kurdî nê hêrîşan ra serkewtê ganî verê xo bidê koyan.”