Cigêrayoxanê Enstîtuyê Firansizî yê Pondîcherîyî ra Kamala Marîuse dîyar kerde ke teşebusê mordernkerdişê Hîndîstanî beno sebeb ke nîsbetê întîxaran zêde bibo. Întîxaran de yeno dîyayene ke cinîyê hîndîstanijî ke întîxar kenî, emrê înan 35î ra şenikêr o.

Yeno zanayene ke hûmara cinîyê ke întîxar kenî, zafaneyê ci Hîndîstan de cuyenî. Goreyê xebera kovara ilmî The Lancetî, sebebê ke cinîyan ver bi întîxarî benî weşîya raya pêroyî, polîtîka û hîsgêrîye yî.

Nufûsê Hîndîstanî 1 mîlyar 300 mîlyon o û se ra 17.5ê nufûsê dinya yo. Cok ra nîsbetê întîxarî tayê berz o. Întîxarê camêrdan zî se ra 25 o.

Kitabê Karthala ke nuştoxa ci Kamala Marîuse ya, bale anto zêdebîyayîşê nîsbetê întîxarî ser. Marîuse daya zanayene ke bitaybetî cinîyê zewijîyaye întîxar kenî û wina domnaya: “Badê ke yeno dîyayene ke şertê cinîye eşkeno bibedilyo û sewbîna yew dinya mumkun a, nîsbetê întîxaran zêde beno.”