Platformê Rojnamegeran ê Cinîyan ê Mezopotamya bi wesîleya 3ê Gulane Roja Azadîya Çapemenîye ya Dinya eşkerayîyêka nuştekîye daye.

Eşkerayîye de ame vatene: ''Ewro  3ê Gulane Roja Azadîya Çapemenîye ya Dinya û serrgêra Platformê Rojnamegeran ê Cinîyan ê Mezopotamya ya ke seba paştdayîşê cinîyan ame awankerdene. Cografyaya ke tede teda, bêhuqûqî, destbendkerdiş û tepiştişî dewam kenê ma rojanê winasîyan de berpirsîyaranê xo anê ca. Îqtîdar seba ke raştîye binimno rojnamegeran tepişeno. Welat de tewr tay 100 rojnamegerî tepişte yî û rewşêka winasêne tewr zaf cinîyan rê tesîr kena.

Bi wesîleya na roje ma rojnamegeran rê ke her cayê dinya de vera çinbîyayîşê azadîye têkoşîn kenê selam kenê. Wa bêro zanayene ke ma sey platformî tîya der ê û ma do tim tîya de bibê.''