Îstanbul de ciniyê ke bi wesîleya 25ê Teşrîna Peyêne Roja Têkoşînê Vera Şîdetê Serê Cinîyan a Mîyanneteweyîye Meydanê Tunelî yê Taksîmî de ameyî têhet raştê hêrişê polîsan ameyî. Cinîyanê ke barîkatî rijnayî vat înan sere wedarit o û do têkoşînî camêverdê.

Cinîyê ke çalakîye de ameyî têhet vat şîdetê dewlete û camêrdî rê hinî bes o. Wekîlê HDPyî Zuleyha Gulum û Oya Ersoy zî sefanê vernî yê çalakîye de cayê xo girewt. Cinîyan waşt Meydanê Tunelî ra ver bi Meydanê Taksîmî rayra şirê la polîsan destûr nêda. Cinîyan rixmê heme astengkerdişê polîsan dest pê rayraşîyayîşî kerd û çend barîkatî rijnayî. Polîsan pê gazê îsotî û guleyanê plastîkan hêrişê cinîyan kerd. Cinîyî bi slogananê sey ''wa hukmat îstîfa bikero'' û ''cinîyî nêtersene, milê xo çewt nêkenê'' heta heta Karakoy rayra şîyî û semedê pîlkerdişê têkoşînî veng da.