Şar û gerîlayî yewbînan ra cîya nêbenê

Gerîlayanê YJA-Starî polîtîkaye şerê taybetî yê dewleta tirke ercnayî û vat: ''Pê têkilîyêka xurte şar û gerîlayî pabesteyê yewbînan ê ke cîya nêbenê. Ma seba şarê xo ameyî nê cayan. Hayîya şarê Kurdîstanî zî pê na raştîye esta.''

Gerîlayanê YJA-Starî polîtîkaye şerê taybetî yê dewleta tirke ANFyî rê ercnayî. Gerîlayanê YJA-Starî Eyleme Munzur û Vejîne Qamişlo yê ke Zagros de gerîlatîye kenê fikrê xo pare kerdî.

Gerîla Eyleme Munzur vat: ''Seba gerîlatîye ganî hêzêko pîl estbo. Merdimî tîya pê îradeyê xo nas kenê. Dewleta tirke vera gerîlayan polîtîkaya şerê taybetî ana ca ke na zî qelsîya dewlete mojnena. Dewlete vana 'Teslim bibê, ma do şima biresnê keyeyê şima, cuyêka hole biciwîyê ûsn.' Seba koletîye veng danê. Her kes pê zaneno ke dewleta tirke cuyêka hole nêdana. Cayê tewr rindî koyê azadî yê Kurdîstanî yê. Dewlete vera profîl û projeyê cinîyan ê azadan wazena ke profîl û karakterê xo yê cinîyan biaferna. Ganî ê zî bifikîrê û pê wijdan û aqilê xo têbigêrê.''

Gerîla Vejîne Qamişlo vat: '' Hêzê îqtîdarî xurtbîyayîşê cinîyan ra tersenê. Coka tim teda û hêrişê cinîyan kenê. Ganî cinîyî hêzê xo xurt bikerê, rêxistinîya xo xurt bikerê û xopawitişê xo aver berê. Eke teda zêde biba, serewedaritiş zî do zêdêr bibo. Hîsgerîya Rayberîye ya seba cinîyan û projeyê ey ê seba cinîyan hetê pêro dinya ra zanîyenê. Rojdemê dinya hînî pê cinîyan yeno kifşkerdene. Cinîyî rayberîya xoverdayîşan kenê. Dewlete averşîyayîşê cinîyan ra tersena. Pê têkilîyêka xurte şar û gerîlayî pabesteyê yewbînan ê ke cîya nêbenê. Ma seba şarê xo ameyî nê cayan. Hayîya şarê Kurdîstanî zî pê na raştîye esta.''