Şarê Dirbesîyê seba paştdayîşê YPJyî vejîya meydanan
Şerwanê YPJyî semedê erdê xo vera îşxalkeran bipawê vernîyê cepheyî de cayê xo gênê. Hetê bînî ra çalakîyê paştdayîşê şerwananê YPJyî zî dewam kenê.
Dirbesîyê de rayberîya Meclîsê Cinîyan ê Vakur û Rojhelatê Sûrîye de semedê wayîrvejîyayîşê şerwananê YPJyî rayraşîyayîşêk ame viraştene.
Çalakîye de bi nameyê meclîsê cinîyan Nure Şixo Onur qisey kerd. Onure Hevrîne Xelef, Aqîde Ana û şerwanê YPJyî yê ke xoverdayîşî de şehîd bîyî yad kerdî û vat ma sey şarî do xeta şehîdanê xo de xoverdayîşî gird bikerê. Rayraşîyayîş bi wendişê mesajê Fermandarîya Merkezê YPJyî qedîya.
