Endamê Konseya Rayberdişî ya Kongra Gelî û serkêşanê Têgêrayîşê Azadîye yê Cinîyan ra Raperîne Amed (Delale Azîzoglu) ya ke 17ê hazîrana 2022yî de netîceya hêrişê hewayî yê dewleta tirke de şehîd bîyî,  bajarê Dortumundî yê Almanya de ameye vîrardene.

Aktîvîteya vîrardişî de verî şexsê Raperîne Amed de semedê şehîdanê şorişî rêz ame girwtene û dima binameyê Dezgehê Keyeyanê Şehîdan Gahîde Goyî, bi nameyê keyeyê şehîde Munvvere Azîzoglu û Kenan Azîzoglu, Endama Têgêrayîşê  Azadîye yê Cinîyan ê Ewropa Medya Botan qisey kerd. Hemserekê Kongra Gelî Remzî Kartal zî bi telefonî tewrê ci bi.

Qiseykerdişan de bale ameye antene serê cuya têkoşînî ya Raperîne Amed ser ame vatene ke bitaybetî xebatanê aye yê Ewropa cinîyan ser o zaf tesîr kerd.

Badê qiseykerdişan sînevîzyono ke derheqê Raperîne Amed de amebi viraştene ame seyrkerdene û sloganê sey "Şehîd namirin”, “Bijî Serok Apo” û “Jin jiyan azadî” ameyî vatene.