Gerîlaya YJA-Starî Asmîne Vindara ke Cengê Heftanînî de birîndar bîye  pare kerd ke dewleta tirke bi pêro hêzê xo hêriş kena, derbanê giranan wena la nêpawitêne ke Pîrbûla de hende poşman bena.

Vindare ard ziwan ke artêşa tirke game bi game xîret kena ke aver şora la tim derban wena û xo apey ancena.

Vindare ard ziwan ke qoricî û kontrayê ke sermîyanîya îşxalî kenê verê hêzanê dewlete de yenê û vat: ''Wa nêkewê verê dişmeno ke wazeno Kurdîstan îşxal bikero. Raşt nîyo ke seba çend qurişan ewladanê xo kişenê, rûmetî ra fek vera danê. Wa şarê ma vera nê xayînan wurzo payan ser. Artêşa tirke bi teknîk û teknolojî hêriş kena la gerîlayan zî xo newe ra awan kerd. Gerîlayan xo vurna coka ser kewenê. Hetê felsefe, îdîa, qerardarî û bawerîye ra asta gerîlayan xora zanîyena. Bi qerardarî û taktîkanê dewlemendan Heftanîn de metodêko newe ame afernayene. Ganî ma bizanê ke ma deyndarê şehîdan ê ke seba azadîya nê erdî şer kenê. Sayê înan de Heftanîn de serkewtişî yenê destvistene.''