Fermandarîya Pêroyî ya YPJyî derheqê şehadetê şerwana xo Rojda Kayner (Mizgîne Botan) de eşkerayîyêke daye. Eşkerayîye wina ya:

''Embaza ma Rojda Kayner (Mizgîne Botan) sey ewladêka Cizîra Botanî wextê hêrişanê DAÎŞî yê vera Kobanê de , 2014 de tewra YPJyî bîye. Embaze Mizgîne têkoşînê vera DAÎŞî de rol û mîsyonêko pîl ard ca. Rixmê ciwanîya xo zî aye bi mesuldarî erkê xo heta peynî ardî ca. Sey fermandarêka YPJyî aye Şerê Şarî yo Şorişgêr kerd xurt û embazê xo zî perwerde kerdî. Embaze Rojda wextêkê kilmî de bîye wayîra kedêka bêhempa. Embaze Mizgîne bi tewirê xo yê zerrînizmî resaye asta estbîyayîşê tewr manadarî.

Embaza ma Mizgîne Botan 29ê çeleyê 2023yî de wexto ke erkê xo ser de bîye, netîceya qezayêkî de şehîd bîye. Ma sere de keyeyê aye yê ercîyayeyî rê, pêro şarê xo yê welatperwerî rê serweşîye wazenê. Ma sey YPJyî soz danê ke xeyalê pêro şehîdanê xo bîyarê ca.

Nasnameyê embaza ma ya şehîde wina ya:

Nameyê Qodî: Mizgîne Botan

Name û Peyname: Rojda Kaynar

Maye: Halîme

Pî: Abdullah

Tarîx û Cayê Şehadetî: 29ê Çeleyê 2023yî / Eyn Îsa''