Gerîlayanê YJA Starî Nevale Tolhildan û Havîne Zagros derheqê rolê cinîyan ê şerî de qisey kerd û bale ante hêzê cinîyan ê şerî ser.

Nevale Tolhildan: ''Sîstemê nêrîyî de cinî tim hurde yena vînayene. Goreyê înan cinî nêeşkena şer bikero. La gama ke ma ewnîyenê tarîxî ra cinî warê şerî de rolêko gird ê cinîyan esto. Tarîxî ra cinî tim rayber a. Sey gerîlayanê YJA Starî  koyanê Kurdîstanî de têkoşînê ma yê vera sîtemî zî çiman ver de yo. Mîrasê tecrubeyê embaze Bêrîtane û Zîlane hema dewam keno. Şexsê PKK û PAJK de hêzê şerî û îradeyê cinî vejîya werte. Hetê etîk û estetîkî ra zî detayanê şerî de yeno vînayene ke cinî de hîsê vîjdan û edaletî vernî de ca gênê. No ramojneno ke şer de senî mîsyonê înan o rayber esto. Cinî ewro her ca de hêzê xo îspat kerdo. Bajaran de zî û koyan de zî eşkena şer bikero. Xozaya cinî de şer çîn o la şertanê roja ma de vera cinî û şarî  şîdet û hêriş esto çoka cinî mecbura ke xo û şarê xo bipawo. Ma sey hêzanê YJA Starî bi felsefeya Rayberîye têkoşînê xo bihêz kenê. Ganî paştê cinîyan înan ra pêt bo û wayîrê têkoşînî bivejîyê.''

Havîne Zagros: ''Karê cinîyan o muhîman ra yew zî pawitişê şar û xoza yo. Nêzdîbîyayîşo sey cinî têna karê keyeyî kena û miqatê qijan bena pede-pede rijîya. PKKyî no heme mezgan ra wedart. Cinî bi îrade û ehleqê xo koyan de şer kena. Cinî bi fikrê xo eşkena her çî bikero. Koyan de estbîyayîşê cinîyan zaf muhîm o. Cinî pratîkê şerî de hêzê xo dî û bi mîraso ke gerîlayanê YJA Starî ra girewto şer de sey hêzê rayberî cayê xo gena. Semedê naye zaf bedelî ameyî dayene. Cinî bi îdeolojîya Rayberîye cuye rê zafêr girêdîyaye. Semedê cigêrayîşê heqê xo verê xo da koyan û bi têkoşînî resaye îradeyê  azadî. Raja ma de cinî hinî xo her warî de îfade kena. Şexsê cinîya kurde de heme cinîyê dinya hêzê xo rê hayîdar bîyî. Cinîya kurde sere de koyan de têkoşîno ke Rojawan de bi Arîn û Avesteyan, Rojhelat de bi Şîrîne Elemhulî, Vakur de bi Sara û Bêrîtanan da cinîyanê dinya rê rayberîye kena. Tewrbîyayîşê embazanê enternasyonalan ê Şorişê Rojawanî naye rê nimûne yo. Leşkerîye têna karê camêrdan nîyo. Cinî zî eşkenê leşkerîye bikerî û xo û şarê xo bipawê. Xora vatişê leşkerîye zî semedê cinîyan konsepto tengo. Coka vatişê gerîla hîna raşt o. Destgirewtişê gerîlayan de zengînîye esta.''