Almanya, Danîmarka û Swîsre de xeylêk cinîyî vera kişîyayîşê cinîyan vejîyayî meydan û înan pê çalakîyan vera şîdetî nêrazîbîyayîşê xo mojna.

Leverkusen

Şaristanê Leverkusenî yê Almanya de seba protestokerdişê şîdetê vera cinîyan çalakîyêke ameye kerdene. Çalakîye de pankartê bi nuşteyê ''Qirkerdişê cinîyan vindarnê'' û ''Ma vera şîdetî yê'' ameyî akerdene.

Mainz

Meclîsê Cinîyan ê Vîyane zî rayberîya HBFyî de çalakîyêke kerde. Çalakîye de mesajê ''Cinîyatê cinîyan polîtîk û sîstematîk ê'' ame dayene.

Kopenhag

Paytextê Danîmarka Kopenhag de cinîyan çalakîye de dovîzê ''Şîdetê vera cinîyan vindarnê'', ''Şîdetê vera cinîyan polîtîk o'' akerdî. Çalakîkeran alayê TJK-E û pankartê vera şîdetê serê cinîyan berz kerdî.

Basel

Şaristanê Baselî yê Swîsre de zî cinîyî vera şîdetî vejîyayî meydan. Çalakîye hetê Meclîsê Cinîyan ê Ronahî ameye serûberkerdene û çalakîye de portreyê cinîyan parkan de ameyî daliqnayene.

Çalakîye de portreya Gulîstane Doku ya ke Dêrsim de 5ê çeleyî ra nata vînbîyaye ya, Zeynep Celalîyana ke hetê rejîmê Îranî ra amebî tepiştene û Çîçek Kobanîya ke hetê dewleta tirke ra amebî tepiştene daliqîyayî.