Şîdet û qirkerdişê vera cinîyan Duisburg û Fribourg de ameyî protestokerdene.

Duisburg

Cinîyanê ke şaristanê Duisburgî yê Almanya de ameyî têhet,  şîdetê vera cinîyan protesto kerd. Çalakîya 7. hetê Meclîsê Cinîyan ê Şehîde Asya Yuksel ra ameye kerdene. Nameyê Meclîsî ser o amara Tolhildan qisey kerd û dima zî vilawekî ameyî wendene.

Fribourg

Rayberîya Meclîsê Cinîyan ê Mizgîne û Komunê Cinîyan ê Fribourgî yê Swîsre de seba ke bale bêra antene qirkerdişanê cinîyan ser, çalakîyêke ameye kerdene. Qiseykerdişan de nê çîyî ameyî vatene: ''Şîdet û qirkerdişê vera cinîyan prosesê pandemî de zêdîyayî. Na bîlanço mojnena ke hînî cinî û domanî keye de biasayîş nîyê.''

Çalakîye de operasyonê qirkerdişê sîyasî yê vera Komeleya Cinîyan a Rosa û tepiştiş-destbendkerdişê wekîlanê HDPyî zî ameyî protestokerdene.