Platformê 'Ma Do Şîdetê Vera Cinîyan Vindarnê' û Meclîsê Cinîyan goreyê muracatanê ke înan rê ameyî kerdene Raporê Pêşwazîkerdişê Zîyaretan ê Nîsana 2020î amade kerd û rapor rayaumûmîye reyde pare kerd. Rapor de ame parekerdene ke hûmara cinîyanê ke rîyê mmexdurîyetê şîdetî ra muracat kerd menga nîsane de zêdîyaye. Muracatî tewr zêde Îstanbul, Anqara, Îzmîr, Mersîn, Adana, Antalya û Kocaelî ra ameyî kerdene.

Rapor de nê çîyî ameyî vatene:

-28 şaristananê Tirkîya ra muracatî ameyî kerdene

-Menga nîsane de rêjê cinîyanê ke seba muracatî gêrayî ma se ra 55 zêdîya.

-Rêjê kesanê ke seba şahîdbîyayîşê şîdetê vera cinîyan muracat kerd se ra 60 zêdîya.

-Muracatî zêdêrî derheqê şîdetê fîzîkîyî de ameyî kerdene.

5-Muracatê derheqê şîdetê dîjîtalî de zêdîyayî. 

Rapor de wina ame vatene: ''Menga nîsane de cinîyan se ra 41 semedê şîdet fîzîkî ra, se ra 18 rîyê şîdetê psîkolojîkî ra, se ra 12 şîdetê ekonomîkî yan zî hetkarîya ekonomîkî ra, se ra 11 rîyê şîdetê dîjîtalî ra, se ra 4 rîye şîdetê pederşahî ra, se ra 10 zî rîyê sebebanê teberê şîdetî ra muracatî kerdî.''