Îdareyê Dezgehê Kedkaran de Abdulkerîm Îbrahîmî pare kerd ke şorişî reyde ê heqê xo yê kede gênê û bi coşî xebitîyenê.

Îdareyê Komîteya Kedkaran ê Cinîyan ra Hamîda Ferman ANFyî reyde qisey kerd û îfade kerd ke şoriş rayberîya cinîyan de yeno awankerdene, cinîyî pêro kedkarê keyeyî yê, hem zere de hem zî teber de xebitîyenê.

Hamîda Ferman ard ziwan ke seba cinîyan gamê girîngî ameyî eştene labelê tay karî estê ke ganî bêrê kerdene û bale ante tesîrê şerî ser.

Hamîda Ferman vat: ''Şoriş pê kede yeno awankerdene. Her warî de kedkarê tewr manadar û ercîyayî şerwanê cinîyî yê. Wayîrvejîyayîşê kede xîretê seba azadîye û rêxistinbîyayîşî yo.''

Îdareyê Dezgehê Kedkaran ra Abdulkerîm Îbrahîmî zî vist vîrî ke şorişî ra verî ê pabesteyê dewlete bîyî û vat: ''Ma karê giranî kerdêne û ma nêeşkîyayê wayîrê heqanê xo bivejîyê. Şorişî ra dima ma heqê keda xo girewt û ma bi coşî xebitîyenê. Xora zor û zehmetîyê zî estê. Xeylêk kedakrî şerî ra ameyî, îmkanê înan çin ê. Wexto ke îmkanê neweyî yê karî bêrê afernayene na mesele zî do çareser biba.''