Rayberê Şarî Kurdî Abdullah Ocalan wexto ke Lubnan û Sûrîye de mendêne şarî reyde amêyene têhet û kombîyayîşê şarî viraştêne. Girê Sipî ra Şemsa Îsmaîle zî o wext tewrê nê kombîyayîşan bîya.

Şemsaye arde ziwan ke aye şertê tewr zehmetinan de Ocalan dîya û fikrê Ocalanî yê cinîyan ser o goşdarî kerde.

Şemsaye vatişê Ocalanî yê ‘Azadîya cinîyan azadîya komelî ya' viste vîr û wina va: "Sey vizêr yeno mi vîr ke ey senî qisey kerdo. Şorîşê Cinîyan yê Rojawanî bi felsefe û fikrê Ocalanî bi. Ma nika hîna hol fam kenê ke o wext Ocalanî se vatêne."

Şemsaye eleqe ante tecrîdo girankerde ke Ocalanî ser o esto û wina va: "Dewlata tirkî zî hol zana ke senî tesîrê Ocalanî şaran ser o esto. Cok ra bi tecrîdî wazena ke ey û şaran cêser bifîna. La ê se kenî wa bikerî ma bi zerrîya safîye Rayberê xo ra girêdaye yê û zaf çî dêndarê ci yî. No rid ra kes nêşkeno ma yewbîn ra biqerfno. Ma do heta serkewtişî wayîrê Rayberê xo bivejîyê.