Aktîvîstê Têgêrayîşê Cinîya Azade yê Kurdistanî Ûta Schneîderbangere (Nûdeme) û Ekîn Ceren Dogrûake (Amara) yê ke 31’ê Gulan a 2015’î de Herêmanê Pawitişî yê Medya de qezayê trafîkî de şehîd bîyî, Mulheîm an der Rûhr de serê gorê Nûdeme de bi merasîmêk ameyî vîrardene.

Merasîmo ke hetê Buroyê Cinîyan (CENÎ) û Merkezê Têhetmayîşê Cinîyan (Ûtamara) ra ame organîzekerdene pîya bi merdimanê Ûta Schneîderbangere xeylêk hemrayê înan tewrê ci bîyî. Merasîmî de hemrayanê her di cinîyan ê şorişgêran derheqê têkoşînê înan de qisey kerd. Dima ra helawi ameyî vilakerdene.