Dewa Qetka Jêre ya qezaya Dîyadînî ya Agirî de cinîya ciwane ya bi nameyê Zana Polat (17) goreyê îdîayan wexto ke pê çeke kay kerdêne sereyê xo ra bi giranî birîndar bîye.

Cinîya ciwane pê ambulansî wedarîyaye nêweşxaneyê qeza. Ame parekerdene ke dima ke Zana Polar wedarîyaye Nêweşxaneyê Dewlete yê Agirî dinyaya xo uca de bedilnaye. Derheqê serebûtî de tehqîqat dîya destpêkerdene.

Agirî de 29 rojanê peyênan de 4 cinîyî bi hawayêkê şikdarî merdî.