Dewa Elomiloyî ya pabesteya merkezê Agirî de ame îdîakerdene ke  dadîya 6 domanan Guzele Koçyîgît 26ê gulane de keye de xo kişta. Dima ke îfadeyê mêrdeyê Guzele ame girewtene la mêrde ame veradayene.

Şaristan de cinîya bi nameyê Ceylane Akpolat deweka Şirikî ya qezaya Humurî ta Agirî de muracatê qereqolî kerd ke ci rê şîdet yeno kerdene. Muracatî ra 4 rojan dima goreyê îdîayan keye de xo darde kerd la keyeyê Ceylane ardbi ziwan ke leşê aye de rêçê derban û milê ci de zî rêçê kindirî estbî.

Dewa Qerexalta Jêrê ya qezaya Tûtaxî ya Agirî de zî dadîya 2 domanan Pakîze Oztaş (23) 19ê gulane de dima ke mêrdeyê xo reyde nîqaş kerd dinyaya xo bedilnaye. Babîyê Pakîze Mehmet Başbogayî eşkera kerdbi ke kênaya ci tim maruzê şîdetê mêrdeyê xo bîyêne.