Dewa Gerê Şera ya qezaya Avkevirî ya Agîrî de cinîyêke bi hawayêkê şikdarî cuya xo vînî kerde. Cinîya bi nameyê Kubra Taşdemîr (21)  vizêr saetanê nîmê rojî de  ware de xeyma ke tede manenê de dardekerde ameye dîyene.

Cenazaya Taşdemîre ke serrêk a zewijnayîya semedê otopsî ameye berdene Erzirom. Babî Kerem Samanciyî ard ziwan ke merdêyê kênaya ci dest nabi telefonê aye ser coka ê xextêko nêresayêne ci û vat kênaya mi xokiştişî rê ameya kaşkerdene.

Agîrî de 35 rojan de 6 mergê şikdarî yê cinîyan qewimîyayî.

Goreyê Platformê Ma do Qetilkerdişê Cinîyan Vindarnê aşma gulane de 21 cinîyî ameyî qetilekerdene û 18 cinîyan bi hawayêkê şikdarî cuya xo vînî kerde . Reyna aşma nîsane de zî 20 qetilkerdişî û 20 mergê şiktarî yê cinîyan qewimîyayî. Goreyê raporî sereyê serre ra pêro pîya 119 cinîyî ameyî qetilkerdene û 66 cinîyî zî bi hawayêkê şikdarî merdî.