Akademîya Şehîde Bêrîvane di dewreyê şerwanan ê neweyan qedînayî ke şerwananê ereb û kurdan ra ameyêne meydan. Perwerdeyê şerwanan 45 rojan dewam kerd û pê merasîmêkê leşkerîyî qedîya.

Fermandara YPJyî Rojda Şîyar beşdara merasîmê qedîyayîşê her dş dewreyan bîye. Fermnadare Rojda bale ante girîngîya menga gulane ser û wina vat: ''Na menge menga şehîdan a. Mengêka winasêne de di dewreyan bi hawayêkê serkewteyî perwereyê xo temam kerd. Ma pê bawer ê ke nê dewirî seba hêzanê îşxalkeran do bibê cewabêk. Na menge serrgêra şehîde Silava û şehîde Bêrîvane ya. Ma teqîbkerdoxê înan ê. Ma embazanê xo yê ke nê dewirî temam kerdî fîraz kenê.''

Şerwananê YPJyî merasîmê xo pê sloganê ''Yan azadîye yan azadîye'' û ''Cinîye, cuye, azadîye'' temam kerd.

Şerwana YPJyî Rojbîne Qendîl vat: ''Ez perwerde de cuya şerwanan musaya. Ez do biba layîqa na keda înan.''

ŞErwane Nîşa Botane vat: ''Ez sey cinîyêka sûryanî Efrînî ra tewra YPJyî bîya. Efrîn de verê çimanê ma de merdimî ameyî qetilkerdene. Armancê min o verêne girewtişê qesasê înan o.''

Şerwane Nûcane Qamişlo vat: ''Perwerdeyî ra dima ez resaya a bawerî ya ke cinîyî eşkenê welatê xo bipawê. Ma eşkenê pê felsefeya Rayber Apoyî cuya azade merdiman rê bidê naskerdene.''