Aktîvîsta Têgêrayîşê Cinîyan ê Azadan (TJA) Zeynepe Olbecî serê sibayî Îstanbul de çarçewa tehqîqatê Kobanê de sereştişê keyeyî de ameye destbendkerdene.

Goreyê zanayîşan Zeynepe Olbecî erşawîyaye Anqara.

Hetê bînî ra TJA derheqê mesele de eşkerayîyêke daye û vat: ''Embaza ma Zeynepe sîyasetmedar û aktîvîsta têkoşînê cinîyan a. Her roje cinîyî kişîyenê û camêrdê kiştoxî vera dîyenê la cinîyê têkoşerî rehîn yenê girewtene. No kerdişêko meşrû nîyo. Biciwîyo têkoşînê cinîyan û xoverdayîşê ma.''