Aktîvîsta TJA Tulaye Guler ANFyî rê qisey kerd ke û dîyar kerd ke êyê ke mecbûr mendê koçê bajaranê bînan bikerê, ê zî wazenê agêre herêma xo.

Gulere wina dewam kerd; ‘‘Ma sey TJAyî dî ke dewlete 5 rojê verêne de nêameye. Ma vera xo da ê herêman ke erdlerzî tesîro giran kerdo. Xeylê aktîvîstê TJA şîyê bajaranê bînan zî. Tayê embazanê ma beşdarê xebatanê gêrayîş û xelisnayîşî zî bîyê. Ma hewl da ke hewcedarîyanê şarê xo rê bibê cewabêk’’

Cîyakerdişê cinîyan yeno kerdene

Gulera ke sere de şîye qezaya Mereşî Bazarcix, dîyar kerd ke cinîyanê kurd elewîyan demo ke ê dîyêne keyfweş bîyêne. Wexto ke ê vînenê ke cinîyê ke ziwanê înan ê dayîke qisey kenê est ê, ê zaf keyfweş benê û vat, ‘‘Ma dewa Kocahasan a Bazarcixî de bîyê. Koordînasyonêko baş ameybî awan kerdene. Ma dî ke mabênê cinîyan kurd-elewîyan de cîyayî yena kerdene. Ma dew bi dewe xo resna 30 dewan. Heta ke qeyûm ame tayînkerdene.’’

Gulere dîyar kerd ke dewlete bi zanayîşî polîtîkayê cîyakerdişî kena ke şarê kurd û elewî tîya ra koç bikero û vat, ‘‘Qeyûmeştişî ra dima tay embazê ma mecbûr mendê ke agêrê la ma herême tena nêverdaye û ma do tena nêverdê.

Cinîyî nêwazenê koç bikerê

Gulere dîyar kerd ke cinîyî nêwazenê koç bikerê, domanê zafênan nêweş ê yan zî seba hewcedarîyanê keyeyê xo mecbûr mendê ke koç bikerê yan zî fikirênê. TJA problemanê keyeyan rê eleqedar beno ke koç kerdo û înan tena nêverdanoû înan tena nêverdano. Gulere vat, ‘‘Karê ma yo yewin çareserkerdişê problemanê setargehî yo. Ma dî ke Îstanbul de 20 kes keyeyêkî de manenê, kîrayî vêşî bîyê. Ma hewl danê ke problemanê setargehî çareser bikerê. Cinîyî nêwazenê herra xo terk bikerê’’