Aktîvîteya 'Sê Jinê Azad' (Hîrê Cinîyê Azadî) şa ke seba vîrameyîşê Sakîne Cansiz (Sara), Fîdane Dogan (Rojbîne) û Leyla Şaylemez (Ronahî) her serre yena kerdene emser şaristanê Baselî yê Swîsre de do bêra kerdene.

Aktîvîte de sînevîzyonî do bêrê mojnayene, şîîr û deyîrî do bêrê vatene û rayberîya endamanê TJK-E de xoşeberî do bêrê kerdene. Aktîvîte hetê Têgêrayîşê Cinîyan ê Kurdan ê Swîsre (YJK-S) û Weqfa Cinîyan ê Azadan a Mîyanneteweyî ra 30ê çeleyî de do bêra kerdene.

Veravtoxa TJK-E Rabîa Baldemîr derheqê aktîvîte de ANFyîr ê qisey kerd û vat: ''Ma hedef kenê ke pê na aktîvîte qala têkoşînê cinîyan ê kurdan dinya rê bikerê. Ma sere de cinîyî venga pêro merdiman danê ke 30ê çeleyî de tewrê na aktîvîte bibê.''

Aktîvîte saete 13.00 de adresê Elsässerstrasse 215, 4056 Baselî de do bêra kerdene. Hunermendî Nuarîn û Gulane aktîvîte de do vejîyê sehne ser.