Fermandara YJA-Starî Ferîde Alkan Radyoyê Dengê Welat reyde qisey kerd. Alkane şerê Kurdîstanî ercna û îfade kerd ke sebebo verên ê janê Korona sîstemo kapîtalîst û endustrîyalîzm o. Qiseykerdişê Alkane ra beşêk wina yo:

''Mesuldarê nê felaketê vîrusê Korona hêzê serdestî û endustrîyalîzm ê. Hêzê ke têna menfaatanê xo esas gênê xoza çin kenê. Hêzê serdestî raştîye nimnenê. Raştîye a ya ke nê hêzî verê qedîyayîşî de yê. Hînî ganî no sîstem bivurîyo. Rayberîye bale ancena felaketê weşîye, ekolojîkî û komelkî ser. Na babete de Rayberîye zaf hîşyarîyî dayî. Merdimîye rîyê kapîtalîzmî ra mîyanê tehlukeyî de ya. Dinya û Tirkîya de merdimî mehkumê xizanîye yenê kerdene.

Dewleta tirke seba ke şer bikera weşîya merdiman visnena tehluke. Tirkîya de vîrusê Korona asta tewr berze de ya la dewlete kena ke şar bixepîna. Faşîzmê AKP-MHPyî vîrus seba xo sey firsendêk dî. Wazenê nê prosesî seba dergkerdişê îqtîdarê xo bixebitnê. Dewleta tirke polîtîkaya îşxalî ana ca, cerganê xo şawena Lîbya, dest nana şaredarîyan ser, wazena Başûr zî îşxal bikera. Ganî şarê ma pê na hîşmendîya dewleye bihesê. Ganî komel û hêzê azadîpawitoxî vera nê faşîzmî bibê yew û têkoşînêkê hemparî bikerê.

Dewleta tirke zanena ke PKK peynîya faşîzmê ci bîyara coka ci ra tersena û hêrişanê xo yê vera Kurdîstanî dewam kena. Seba ke şarê kurdî û PKK bitersnê hêrişê Mexmûrî, Silêmanîye, Qendîlî, Rojawan, Vakur, Başûr û Rejhelatê Kurdîstanî kena. Rayber Apo, şar û gerîlayî bi hawayêkê xurtî vera nê hêrişan xo ver danê.

Sema Koçer Bazîd de çalakîya fedayîye kerde û gerîlayî pê rengê Sema Koçer kewtî dewre. Sema Koçer rengê prosesî eşkera kerd. Şarê kurdî bi hawayêkê xurtî û pîlî vera îşxalkerîye û hêrişanê faşîstan xo ver dano. Faşîsm çenn xîret bikero zî eşkera yo ke ho çin beno. Êyê ke xeta azadîye ya Kurdîstanî ra bawer kenê xo ver danê. Embaza Sema sînorê nê xoverdayîşî kifş kerdî.

Xeta Rayberîye ser o ma prosesêkê xurtî de yê. Partîya ma serra 2020î de hîna serkewte biba. MA eşkenê pê metodanê neweyan ê gerîlayî hêrişanê dewlete pûç bikerê. Vera îşxalê dewlete ma her ca de xoverdayîşêkê pîlî kenê. Pê tewirê çalakîkerî û îradeyê gerîlayan emser do biba serra qedînayîşê faşîzmî. ''