Amed de cinîyê ke 5ê nîsane de ameyî destbendkerdene înan ra 6 cinîyî ameyî tepiştene, 9ê înan bi şertê kontrolê edlîyî ameyî veradayene, cinîyêke rê cezaya hepsê keyeyî ameye dayene û demê nezaretî yê 8 cinîyan ame dergkerdene.
Cinîyê ke 5ê nîsane de operasyonê qirkerdişê sîyasîyî yê Amedî de ameyî destbendkerdene înan ra 16 cinîyî ewro vejîyayî mehkeme.
Mehkeme de Satîye Ok, Leyla Akgul, Ayşene Kanuş, Nurşene Akbal, Şehrîbane Zugurlu û Fîgene Aras bi îdîyaya ''endamîya rêxistine'' ameyî tepiştene.
Zeynepe Uren, Eyleme Ceylan, Sevîme Bîçîcî, Bêrîtanê Cansozer, Gurbete Ozel, Şîlane Elmas Kann, Nalane Ozen û Hasbîye Akçay pê tedbîrê kontrolê edlîyî ameyî veradayene û cezaya hepsê keyeyî dîyaye Nezahate Teke.
Hemsereka HDPyî ya Çinarî ya verêne Hayate Akyola ke ewro ameye destbendkerdene a zî hetê dadgerîye ra bi şertê kontrolê edlîyî ameye veradayene.
Wextê nezaretî yê Zelale Bîlgîn, Emîne Kaya, Bahare Karakaş Ulug, Rûkene Bekalp, Besîle Narîn, Seval Gulmez , Necla Tamrîş û Rabîa Tekas hendê 48 saetan ame dergkerdene.
