Bi wesîleya Roşanê Qurbanî mezelê şehîdan ameyî zîyaretkerdene. Qezaya Licê ya Amedî de şar şi zîyaretê Mezelanê Sîsê. Pîya bi îdarekaranê DEM Partî, TJA û DBPyî xeylêk kesî tewrê zîyaretî bîyî. Merdimanê şehîdan kerrayanê mezelanê xo ya ke verî ameybî texrîbkerdene û merdimê xo yad kerdî.

Merdimanê şehîdan vera leşkeran hêrsê xo ard ziwan û vat: '' Tîya cayê qehremananê ma yo, çew nêeşkeno ma yewbînan ra raqilno. Cade tîya ra vejîye, şima nêeşekenê bikewê mezelanê ma.''

 Reyna mezelê Çemê Elika zî bi tewrbîyayîşê Wekîla DEM Partî ya Amedî Ceylan Akça ameyî zîyaretkerdene. Kesê ke tewrê zîyaretî bîyî vera şiknayîşê kerrayanê mezalan hêrsê xo ard ziwan û vat 'Şehîdî nêmirenî'.

Pîran de zîyaretê Mezalanê Pirejmanî bi qerarê qeymaqemîye ame astengkerdene. Wekîla DEM Partî ya Amedî Adalet Kaya vat ê do pêhesnayîşê sûcî bikerî.

Kaya vat: ''Heta ke Birêz Abdullah Ocalan azad mebo, na polîtîkaya tecrîdî meqedîyo hem Rojhelatê Mîyanênî de hem zî Tirkîya  û Kurdîstan de haştîye  mumkun nîya. Çi heyf ke hema vera mezelanê ma hêrişî dewam kenê. Na zî netîceya polîtîkaya tecrîdî ya.''